Langka Baboy Cadyos
September 17, 2009Nadumduman ko anay sa Tike gamay pa ako, hilig si Nanay magraha kang laswa labi na gid kun tag-irigma. Sara sa mga nanamitan ko nga raha na ang ginat-an nga tambo nga ginlaktan kang tagabang kag kuritot nga ginpanagyap sa suba. Basta amu gani ja dapli perti gid higop ko. Kapin pa kay may tagabang, abaw, medyo daradanlog gawa. Sara pa gid sa pinakapaborito ko ang ginat-an nga dagmay, ilabi na gid kun rabu-rabo ang dagmay.
Pero ang indi ko gid malipatan kag ginahandum-handom ko gid nga matirawan liwat ang ginat-an nga kadyos nga ginlaktan kang langka nga ginlangkayan kang baboy. Amu ja kauna ang ginatawag namun nga LBC ukon Langka Baboy Cadyos.
Pag-uli ko sa Tike i-request ko gid kay Nanay nga maraha tana kaja sa tag-irigma. Hidlaw ron gid takun maghigop ka sabaw kang Langka Baboy Kadyos nga dya.
Previous Comments
haha. amo man ria gihapon. mas sikat lng tana kanamun ang LBC. hihihi
Posted by garagumu at September 20, 2009, 9:02 pmAdd a comment
pareho man ni sa kadyos baboy langka noh? kbl. hahaha.
baskug. baskug.
Posted by Ham at September 20, 2009, 3:02 pm